2023-cü ilin İT trendləri| İnvestisiyalar ən çox hansı sahələrə yönəldilir?

Əslində hər iki anlayış biliyə və onun işə tətbiqinə əsaslanır. Bilik hazırda ən mühüm istehsal vasitələrindən birinə və rəqabət qabiliyyətini şərtləndirən amillərdən birinə çevrilib.

Buna görə də, informasiya texnologiyaları müasir şirkətlər üçün mühüm əhəmiyyət kəsb edir ki, bu da onlara öz biliklərini əməliyyat effektivliyini və səmərəliliyini artırmaq və yeni biznes modelləri yaratmaq üçün istifadə etməyə imkan verir.

Şirkətlər xüsusilə son illərdə inflyasiya, məhdud əmək resursları və təklif məhdudiyyətləri kimi onlara iqtisadi təzyiq yaradan vəziyyətlərin öhdəsindən gəlmək üçün informasiya texnologiyalarının bu potensialından istifadə edirlər.

"Gartner" tədqiqat şirkətinin 2022-ci ildə dünya üzrə 410 şirkətlə apardığı araşdırma göstərir ki, şirkətlər 2018-ci ildən başlayaraq informasiya texnologiyalarına və rəqəmsallaşmaya getdikcə daha çox sərmayə qoyurlar.

İnformasiya texnologiyalarına investisiyalar artsa da, rəqəmsal həllər üçün gözlənti və tələb investisiyalardan daha çox artdığından, şirkətlər texnologiya portfellərini daim balanslaşdırmalıdırlar ki, resurslar ən çox dəyər yaradacaq mövzulara ayrılsın.

Bu baxımdan artan sərmayələrin ən çox yönəldiyi sahələr bunlardır:

- İş Zəkası/Məlumat Analitikası,
- Kiber Təhlükəsizlik / İnformasiya Təhlükəsizliyi
- Süni Zəka.

Bundan əlavə, 2022-ci ildə bulud texnologiyaalrına sərmayə qoyan şirkətlərin sayı artsa da, köhnə infrastrukturlara, yerli məlumat mərkəzlərinə və müəssisə resurslarının planlaşdırılması sistemlərinə sərmayə qoyan şirkətlərin sayı azalır.

Dünyada yüksək texnologiya və telekommunikasiya şirkətlərində investisiyaların ən çox yönəldildiyi sahələr aşağıdakılardır:

- Bulud Texnologiyaları,
- Kibertəhlükəsizlik/İnformasiya Təhlükəsizliyi,
- İş Zəkası/Məlumat Analitikası,
- İnteqrasiya Texnologiyaları,
- Süni Zəka
- Rəqəmsal Transformasiya Layihələri

2023-cü il üçün baxıldığında isə aşağıdakı başlıqların önə çıxdığı görünür:

- Xərclərin optimallaşdırılması,
- Rəqəmsal immun sisteminin yaradılması,
- Sistem qeydlərindən və ölçülərdən istifadə etməklə əməliyyatların davamlı təkmilləşdirilməsi (Applied observability),
- Süni zəka imkanlarından daha çox faydalanmaq üçün süni zəka riski və təhlükəsizliyin idarə edilməsi,
- Sürətli artımı və daha sürətli proqram təminatı istehsalını dəstəkləmək üçün bulud texnologiyalarından istifadə,
- Təkcə rabitə üçün deyil, həm də enerji istehsalı və yerin aşkarlanması/izlənməsi üçün simsiz texnologiyalardan istifadə edərək dəyər yaratmaq,
- Mövcud biznes modellərini dəyişdirmək üçün "Superapps", "Adaptive AI" və "Metaverse" texnologiyaları.

Bütün bu məlumatların işığında rəqəmsallaşma və informasiya texnologiyalarına investisiyalar 2023-cü ildə şirkətlərin prioritet gündəm maddələri arasında olacaq. Bu sərmayələrin əvvəlki dövrlərə nisbətən daha çox insan qaynağı və maşınla təmin edilməsi hədəfdən kənarda böyümə potensialını ortaya çıxaracaq.

İnformasiya Texnologiyalarını dəstək funksiyası kimi deyil, şirkətin əsas məqsəd və missiyasının həyata keçirilməsində birbaşa iştirak edən funksiya kimi görən şirkətlər bu baxımdan bir addım öndə olacaqlar.